INFRASTRUCTURE PROJECTS PADAYON NGA GIPATUMAN SA SEGUNDO DISTRITO SA MISAMIS OCCIDENTAL.

Ozamiz City, Misamis Occidental |   Congressman Ando Oaminal Nagpadayon sa iyang pagpatuman sa mga Infrastructure Projects sa Tibook Segundo Distrito sa Misamis Occidental, hisayran nga gipahigayon na usab ang ceremonial pouring of concreting of roads didto sa Barangay Sebasi sa lungsod sa Clarin ug magsumpay sa Barangay Sangay Daku sa Dakbayan sa Ozamiz, hibaloan nga una nang gihimo ang susama nga pagbukas sa ceremonyas sa Lungsod sa Tudela ug Dakbayan sa Ozamiz sa mga milabay nga adlaw.

Si Cong. Ando Oaminal  nagpadayon sa iyang paningkamot sa pagtukod og mga mga bag-ong proyekto sa infrastraktura alang sa katawhan sa Tibook Segundo Distrito sa Misamis Occidental. Sa iyang hugot nga panaghiusa uban sa mga lideres sa Team Asenso Misamis Occidental sa pagpanguna ni Working Governor Atty. Henry Sevilla Oaminal, giklaro ni Cong  Ando Oaminal ang iyang komitment sa paghatag og maayong kahimtang sa mga lumolupyo sa Segundo Distrito.

Ang mga proyekto nga gidala ubos sa paningkamot ni Congressman Ando Oaminal naglangkob sa mga dalan nga anaa sa mga priority list sa matag lungsod ug dakbayan nga gikinahanglan og pag-repair ug rehabilitation. Sakto usab ang iyang giingon nga ang mga kadalanan nga adunay maayong kahimtang maka-impluwensya sa paningkamot sa mga tawo sa pagsiguro sa ilang pag-abot sa mga destinasyon ug ang kasayon sa paghatud sa ilang mga abot gikan sa ilang mga kaumahan.

Nagpabilin usab nga tinoud si Congressman Oaminal sa iyang pahalipay sa maayong kalidad sa mga proyekto nga natukod na sa mga barangay sa Tibook Segundo Distrito. Dugang pa, nagtuo siya nga ang hugot nga kooperasyon sa mga barangay officials ug mga residente makatabang kini sa pagpatuman sa mga programang pangkaayohan ug adunay malampusong resulta.

Dako ang pagpapasalamat sa mga residente sa Tibook Segundo Distrito sa Misamis Occidental sa serbisyo nga gidala ni Congressman Ando Oaminal, ug padayon ang iyang mga paningkamot uban sa iyang mga proyekto alang sa kaayuhan sa katawhan. Dugang pa, iya usab giklaro nga magpadayon siya sa pagtukod ug mga programa ug proyekto ug sa pagpa ASENSO sa matag pamilyang misamisnon. 

Via Bhal Cabrera