LIBOAN KA MGA PAMILYA NGA APEKTADO SA PAGBAHA KANIADTONG NAKALABAY NGA TUIG 2022, NAKADAWAT NA SA CASH ASSISTANCE.

Kahinumduman nga sa wala damha gilunopan ang probinsya sa Misamis Occidental niadtong bulan sa Desyembre petsa 25 tuig 2022. 

Tungod sa makusog ug walay undang nga pag-ulan ang nasinati niadtong panahona nga maoy nahimong hinungdan nga naguba ang mga pipila ka mga kabalayan ug nawagtang usab ang mga panginabuhian sa mga katawhan nga naapektuhan ug tungod niana, hinanaling aksyon ang gihimo sa mga lideres sa probinsya sama sa pagpanghatag og food assistance, paghatag og medisina ug ang pagpang-apod-apod og cash assistance ngadto sa mga pamilyang naapektuhan sa nasangpit nga kalamidad, diin nasayran nga nikabat sa kapin kun kulang 2,677 ka mga pamilya ang naapektuhan sa pagbaha ang nakadawat sa tag 5 mil pesos isip tabang pinansyal nga nikabat usab sa kapin kun kulang 13,385,000.00 pesos nga gipaningkamotan pa gayod sa kongresista didto sa kaulohan pinaagi sa paghangyo usab sa mga kaubang lideres aron mahatag ang tabang pinansyal ngadto sa mga pamilyang naapektuhan sa lunop. 

Gipahigayon ang 3rd batch cash assistance distribution niadtong Abril 12 niining tuig 2023 nga gipahigayon sa Ozamiz City gym pinaagi sa pagpangulo ni House of Representative Misamis Occidental 2nd District Congressman Ando Oaminal nga personal niyang giisturya ang mga pamilyang naapektuhan sa kalamidad, kauban sa kongresista ang mga Mayores sa Segundo Distrito nga sila Ozamiz City Mayor Indy Oaminal, Mayor Dodong Murallon sa lungsod sa Don Victoriano, Mayor Jojo Roa sa lungsod sa Clarin, Mayor Samuel Parojinog sa lungsod sa Tudela ug Mayor Dello Lood sa lungsod sa Sinacaban.

Segun pa sa kongresista nga kining pagpanghatag sa tabang pinansyal gihimo niya kauban ang mga lideres sa probinsya sa Misamis Occidental isip pagpakita ug pagpabati sa bug-os nga pagmahal ug panaghiusa nga taliwala sa mga kalamidad ug kakulian nga mahiagoman andam sila nga motabang tungod usa kini sa ilang gitinguha nga matabangan dili lang ang probinsya sa Misamis occidental apan lakip na usab ang mga katawhang Misamisnon.

Via CMN/MIO

TriMedia News Bureau