Giklaro sa National Telecommunication Commission (NTC) XI nga wala pa nahisgutan ang posibleng extension sa SIM Card Registration.

Una ng giklaro sa Department of Information and Communication Technology nga hangtod Abril 26 na lang ang pagparehistro sa mga SIM cards.

Pagbutyag ni Nelson Cañete, regional director sa NTC XI, atol sa pakighinabi sa GMA Super Radyo Davao, online lamang ang pagpahistro ug mamahimo kining buhaton sa bisan unsang oras sa adlaw.

Kinahanglan lamang sa pagparehistro sa mga SIM cards ang usa ka government-issued ID ug hulagway sa magparehistro.

Alang sa mga smart subscribers, iparehistro kini sa smart.com.ph/simreg   o    simreg.smart.com.ph.

Samtang alang sa mga globe subscribers mamahimong irestro ang SIM sa    new.globe.com.ph/simreg

Ug alang sa mga DITO subscriber, magparehistro pinaagi sa DITO App.

Nanawagan si Cañete sa mga kabatan-onan, nga tabangan ang mga senior citizens ug mga persons-with-disability alang sa pagparehistro sa mga SIM Cards.

Uggaling pakyas ang user nga maparehistro ang SIM Cards una ang Abril 26, ma-deactivate kini ug dili na magamit alang sa pagtawag, text ug mga mobile data services o internet.

via SRD