Kinuman Sur, Ozamiz City | Hingpit nang natuman ang mga gitinguha sa mga residente sa Barangay Kinuman Sur nga maka sinati ug hamugaway ug conviniente pagbyahe gawas o sulod sa nahisgutang barangay, tungod kay niadtong Abril 10, 2023 gisugdan na ang pag konkreto sa dalan niini nga nag sumpay padulong ngadto sa Barangay Cogon.
Gipangunahan nila ni Misamis Occidental 2nd District Representative, Congressman Ando Oaminal ug Ozamiz City Mayor Atty. Indy Oaminal ang usa ka seremonyas o ceremonial pouring of concreting of road nga gipunduhan sa Team Asenso ug mukabat ngadto sa Php Seventy Five (75) Million Pesos, atol sa maong seremonyas anaa usab ang mga kawani sa DPWH, mga opisyales sa barangay ug mga lumulopyu niini.
Walay kabutangan sa kalipay ug pagpasalamat ang mga opisyales ug katawhan sa nahisgutang barangay ngadto sa 3 ka mga haligi sa Asenso Misamis Occidental pinaagi ni Working Governor Atty. Henry S. Oaminal, Congressman Ando F. Oaminal ug Mayor Atty. Indy F. Oaminal sa padayon nga pagserbisyo ngadto kanila ug sa pagpabati sa Tatak-Oaminal nga panerbisyo ang tiunay ug luboslubos nga pagpangalagad.
Sa mensahe ni Congressman Ando nga nakab-ot kini nga mga programa ug proyekto tungod sa kahiusahan sa mga namunoan sa probinsya, segundo distrito, dakbayan ug kalungsuran, ang panaghiusa maoy susi sa pagkab-ot sa mga maayung programa para sa katawhang misamisnon, uban sa hagit-mensahe sa batan-ong kongresista ngadto sa mga residente sa barangay aduna usab kini kaakuhan ang matag usa pinaagi sa paghatag ug supporta sa mga giila nga mga lideres sa barangay nga kinsa dako usab ang tampo nga nahatag niini sa tibook Team Asenso Misamis Occidental.
Hisayran nga dili lamang kini ang una nga mga gipahigayon nga pagbukas sa mga proyekto sa tibook Segundo Distrito, dahuman nga mas daghan pang mga susama niini nga mga kalihukan nga masinati sa katawhang Misamisnon.
via Bhal Cabrera
No comments:
Post a Comment