PATAY si Negros Oriental Governor Roel Degamo human kining gipusil sa iyang balay sa Barangay San Isidro, Sto. Nuebe, Pamplona karong adlawa, Marso 4, 2023 sa may alas 9:00 kapin kun kulang sa buntag.
Sa inisyal nga kasayuran nga nakalap niadtong tungura naglingkod lang matud pa ang Gobernador sa usa ka bangko dihang kalit kining gipusil sa wala mailang armadong grupo.
Sumala pa sa Police Regional Office (PRO 7) nga nakigtagbo si Gov. Degamo sa mga 4P's beneficiaries dihang kalit lang namusil ang mga armado nga nagsul-ob og fatigue uniforms (pixelized uniforms).
Nasayran nga aduna usab laing mga tawo ang nanga-angol sa maong panghitabo lakip na ang giingong mga bodyguards ni Governor Roel Degamo.
Sa pagkakaron padayon pa nga gipanubayan sa mga otoridad ang maong panghitabo.
📷 CTTO
#TriMediaDigital
#LatestNewsInNorthernMindanao
#OnlineNewsInMisamisOccidental
trimediadigital.blogspot.com
No comments:
Post a Comment