TRANSPORT GROUPS SA NORTHERN MINDANAO WALA MI SUPPORTA SA NATIONWIDE TRANSPORT STRIKE

Ozamiz City, Misamis Occidental | Ang Northern Mindanao Federation of Transport Service Cooperative (NOMFEDTRASCO) usa ka grupo nga gilangkuban sa halos kalim-an (50) ka transport cooperatives gikan sa lima ka probinsya sa Amihanang Mindanao, nihimakak ug misupak, sumala sa gipahayag sa ilang press statement, ang deklarasyon ni Chairman sa MANIBELA, Mr Mar Valbuena sa Nationwide Transport Strike.

Ang MANIBELA bag-o lang mideklarar og usa ka semana nga nationwide transport strike aron supakon ang LTFRB MC 2023-013, nga nagtakda sa tagal sa pagkonsolida sa industriya hangtod sa Hunyo 30 aron mapabilin ang ilang Provisional Authority sa pag-operate.

Samtang, hugot nga gisuportahan sa NOMFEDTRASCO ang Memorandum Circular 2023-013, ug ang PUV Modernization Program. Gani, ang mga sakop sa NOMFEDTRASCO gikan sa Misamis Oriental, Misamis Occidental, Bukidon, Lanao del Norte, Camiguin, Cagayan de Oro City, Iligan City, Ozamiz City ug Tangub City nakatuman na sa consolidation requirement ubos sa maong Modernization Program. Dugang pa, 45% sa kinatibuk-ang miyembro sa transport federation o 20 ka transport service cooperatives ang naka-modernize na sa ilang mga fleets ug nag-operate sa bag-o ug OFG-compliant nga PUVs.

Ang transport federation miila sa pagpihig nga ang nagsingabot nga transport strike mahimong makaapekto sa mga nagsakay nga publiko. Giila usab niini nga ang pag-apil sa welga mahimong makapildi sa katuyoan sa PUV Modernization Program.

Gipanghimakak usab sa NOMFEDTRASCO ang pag-apil sa MANIBELA. isip taas nga praktis niini, ug isip contingency plan, ang LTFRB Regional Office 10, kung adunay transport paralysis, nakig-coordinate sa transport groups ug transport corporations aron ang ilang mga bus motanyag og “Libreng Sakay” ngadto sa mga empleyado sa gobyerno, barangay workers, ug mga estudyante, lakip sa uban. 

Ang LTFRB 10 nakig-coordinate sa Philippine National Police, sa mga local government units, ug uban pang ahensya sa pagpatuman kalabot sa kalinaw ug kahapsay atol sa welga ug gipasalig niini nga buhatan sa LTFRB ngadto sa mga publiko nga kung mahitabo ang welga, andam kini nga pun-on ang mga rota nga apektado sa nasangpit nga welga ug andam usab nga pugngan ang epekto sa mga welga sa transport groups.

via Bhal Cabrera