Nasikop na ang tulo ka mga gitouhang nalambigit sa pagpatay kang Negros Oriental Governor Roel Degamo didto sa Sitio Punong, Barangay Cansumalig, Bayawan mga alas 4:20 sa hapon. Sabado, Marso 4, 2023 pinaagi sa hiniusang pwersa sa PNP Bayawan, Philippine Army ug PNP SAF.
Giila ang mga suspek nga sila si Joric Labrador y Garido, 50, ex-army nga taga Cagayan De Oro City; Joven Aber y Calibjo, 42, ex-army nga taga Barangay Robles, La Castellana, Negros Occidental; ug Benjie Rodriguez y Buladola, 45, taga Bonifacio, Misamis Occidental.
Ang kapulisan sa Bayawan kauban ang Philippine Army ug Special Action Force nilusad og hot pursuit operation nga miresulta sa pagkasikop sa tulo.
Sapagkakaron padayon pang gipangita sa kapolisan ang laing mga suspek sa pagpatay kang Governor Degamo, kinsa gipatay sa iyang panimalay sa lungsod sa Pamplona karong adlawa.
No comments:
Post a Comment