Ozamiz City | Para sa mas sayun ug dali nga pag proceso sa pag kuha ug business permits ma renewal o application sa new permits kini; ang local nga panga gamhanan sa dakbayan sa ozamiz ilalom sa Padayon Asenso Ozamiz Administration sa pagpanguna ni Ozamiz City Mayor Atty. Indy Oaminal nag buhat ug lakang nga mas efficient ug hapsay nga pag proceso sa mga mukuha ug permits ning syudad pinaagi sa BUSINESS ONE STOP SHOP.
Enero 3 ning bag-ong tuig gisugdan na ang maong Business One Stop Shop diin ubay ubay na usab ka mga ozamiznons ug mga magpapatigayon o business operators ning syudad ang mikuha ug mipa ilalom sa pagpasayun sa maong application; hisayran nga mulungtad lamang ang maong pagpahigayon sa Business One Stop Shop karung umaabot Enero 20, 2023 nga naka latid basi sa Revenue Code ning dakbayan.
Ang Business One Stop Shop gisugdan kini sa kanhi Mayor sa dakbayan ug karun Misamis Occidental 2nd Disrict Representative – Congressman Ando Oaminal ug gipadayon karun sa kasamtangan nga administrasyon ni Ozamiz City Mayor Atty. Indy Oaminal.
Ang pagpahigayon sa maong Business One Stop Shop anaa nahimutang sa may LGU Ozamiz Covered Court – diin anaa usab ang tanan nga mga government offices / agencies nga hingtundan; gipahimangnoan usab ang tanan nga mokuha niini nga mga permits arun mas malikayan ang pagka langan sa pag proceso gidasig nga kumpletohon una ang mga processo o requirements niini, makuha nga libre ang guide requirements pinaagi sa Permit and Licensing Division nga anaa nahimutang sa LGU Ozamiz Covered Court.
No comments:
Post a Comment