GOVERNOR HSO GITUTOKAN ANG PANGINAHANGLANON SA MGA RICE FARMERS SA PROBINSYA

Ozamiz City, Misamis Occidental | Gihingusgan ni Working Governor Atty Henry Sevilla Oaminal ang paningkamot nga mahatagan og hingpit nga tabang ang mga rice farmers sa probinsya, isip kabahin sa 2023 nga mga plano ug programa.

Gihingusgan ni Governor Atty. Henry S. Oaminal ang iyang paningkamot nga matabangan ang mga rice farmers sa probinsiya pinaagi sa pagpausbaw sa mga produkto sa agrikultura ug pagdugang sa gidaghanon sa produksyon sa humay sa probinsiya.

Si GHSO mipatawag og sunodsunod nga mga tigom aron mahatagan ug malungtarong solusyon sa mga panginahanglanon sa mga mag-uuma. subay niini namahayag ang amahan sa probinsya, "Ang inyong provincial government ug municipal and city government naglantaw sa inyong kaayuhan ug duna kitay hingpit o completo nga programa para sa atong mga mag-uuma. Ang tanang gikinahanglan sa farmers para mo increase ang atong production ug mo ubos ang atong gasto," - GHSO.

Misaad usab si Governor Oaminal nga hatagan og reward ang mga mag-uuma nga makagama og unom ka metriko tonelada nga bugas. Kabahin sa programa ang pagpalit sa bugas gikan sa mga mag-uuma kung ubos kaayo ang presyo sa merkado.

Gikalipay usab sa mga Rice Farmers Association sa tibook Probinsya ang bag o nga development sa pang agrikulturang programa ilalaom sa Team Asenso Misamis Occidental ug duna na gayud direksyon ang gitinguha nga ang matag  Misamisnon Magpuyong Malinawon Malambuon ug Malipayon. //via Bhal Cabrera