CONGRESSMAN ANDO OAMINAL USA SA MGA NANGUNA UG MIDUSO SA PAGAPRUBAR SA RBH NO. 6 SA KAMARA.

Marso 07, 2023 | Congressman Ando Oaminal sa Segundo Distrito sa Misamis Occidental ang usa sa mga representante sa kamara nga nag-duso isip co-author, nanguna ug mi supporta sa panawagan sa mga magbabalaod sa nasud nga amendahan ang kasamtangan nga 1987 konstitusyon. 

Uban ang supermajority votes nga 301 hingpit ng gipasar o gi approved sa third and final reading ang Resolution Both Houses (RBH) No. 6 nga nagtawag sa usa ka constitutional convention o CON-CON.

Ang botasyon gihimo human sa labing menos 300 ka mga miyembro sa House of Representatives nipadayag sa ilang tinguha nga mahimong co-authors sa resolusyon atol sa caucus nga gipahigayon usa ka oras sa wala pa ang pagbalik sa sesyon sa lower house niadtong Lunes.

Ang 300 ka lig-on nga caucus gitambongan nila ni Speaker  Martin Romualdez ug Senior Deputy Speaker Gloria Macapagal-Arroyo, uban sa mga nag-unang House leaders nga naglakip sa Deputy Speakers, Deputy Majority Leaders, Assistant Majority Leaders, ug tanang chairman sa House committees. 

Ang RBH 6 principally authored nila ni Speaker Romualdez, Majority Leader Dalipe, Rep. Rodriguez, Camarines Sur Rep. LRay Villafuerte ug sa Kapatiran Party.

Kahinumduman nga gi-endorso sa constitutional amendments panel ang Resolution Both Houses (RBH) No. 6 human nipahigayon og public hearings ug consultations sa Luzon, Visayas ug Mindanao.

Pinaagi sa resolusyon, ang  Ubos Balay-Balauranan ug ang Senado nakahukom sa pagtawag sa usa ka constitutional convention o con-con "alang sa katuyoan sa pagsugyot og mga pagbag-o sa mga probisyon sa ekonomiya, o rebisyon sa, 1987 Konstitusyon."

Ang resolusyon nag-ingon nga taliwala sa tulo ka mga paagi sa pagsugyot sa mga pagbag-o sa Charter, ang pagtawag sa usa ka convention "mao ang labing transparent, kompleto, demokratiko, ug labing gamay nga paagi sa pagbahinbahin sa pagpatuman sa mga reporma sa konstitusyon." // via Bhal Cabrera