Ozamiz City | Nahimong usa sa mga top performing public officials sa tanan city mayors sa tibook nasud ang local chief executive ning dakbayan.
Si Ozamiz City Mayor Atty. Indy Oaminal nagpahayag usab sa iyang pasalamat sa mga resulta ug gipasiugda ang panginahanglan sa pagtrabaho og dugang alang sa siyudad.
"Ang usa ka positibo nga rating sa una nga pipila ka mga bulan sa akong una nga termino labi pa sa pag-abiabi, ug ako mapasalamaton nga nalakip sa mga giila. Apan dili kini angay nga makabalda gikan sa kamatuoran nga adunay daghan pa nga trabaho nga buhaton aron matuman ang atong mga katuyoan alang sa Ozamiz. Ug akong gipasalig sa mga Ozamiznon nga mas mokugi pa ko alang niini,” matod ni Mayor Indy.
Ang konklusyon sa RPMD gisuportahan sa ilang independente ug non-commissioned nga “Boses ng Bayan” national performance evaluation survey.
Matod ni Dr. Paul Martinez, ang focal person sa RPMD, ang mga top-rated nga opisyal angayan nga daygon sa ilang “constituent service.”
Sa 65.75 milyones ka rehistradong botante nga nag-edad ug 18 ug 70 anyos, 10,000 ka respondents ang napili. Ang sample naggamit ug plus-or-minus 1 porsyento nga margin sa sayup ug 95 porsyento nga lebel sa pagsalig.
Ang mga respondents gipili nga random ug ang gidaghanon niini giapod-apod nga proporsyonal base sa gidaghanon sa mga rehistradong botante matag lugar.
Ang RPMD usa ka research ug analytics firm nga nag-espesyalisar sa pag-scan ug pagtino sa mga uso sa nasyonal ug lokal nga pagdumala, ilabi na sa mga alagad sa publiko.
No comments:
Post a Comment