LOKAL BUSINESS TAX HUGOT NGA GIPATUMAN SA DAKBAYAN SA OZAMIZ.

Ozamiz City | Ang Padayon Asenso Ozamiz administration sa pagpanguna ni Ozamiz City Mayor Atty Indy Oaminal ang nag patuman sa HUGOT nga implementasyon sa local nga buluhisan o local tax revenue ning dakbayan, walay pili ang pag imposar niini ma dagko o gagmay nga mga magpapatigayon nga ania naga negosyo ning dakbayan.

Usa niini nga ehemplo mao ang GOLDILOCKS OZAMIZ nga usa sa mga dagkong establishmento ug mamumuhonan sa syudad nga gipanig-iyahan ni Pagadian City Mayor Sammy Co.

Sa post nga gipagawas ni Ozamiz City Mayor Atty Indy Oaminal pinaagi sa iyang Official Facebook Page nga nagkanayon; "Salamat kang Mayor Sammy Co, tag-iya ug general manager sa Goldilocks Ozamiz, sa personal nga pag-anhi sa siyudad aron husayon ​​ang wala mabayri nga mga obligasyon sa buhis sa negosyo. Dili sayon ​​ang pag-angkon batok sa usa ka kauban nga mayor ug higala sa pamilya, apan kinahanglan kong mohimo sa lisud nga mga desisyon alang sa siyudad aron mapanalipdan ang mga interes niini. - Mayor Indy.

Salamat Mayor Sammy sa imong oras, pagsabot, ug kooperasyon". Diri sa Ozamiz, bisan pag higala, pamilya, mayor or kinsa man na dakong tawo, ato gyud ipatuman ang balaod. Para ra pud ni sa Padayon Asenso Ozamiz! - dugang pamahayag ni Mayor Indy Oaminal.

Dinhi makita nga ang tatak ug tinudanay nga SERBISYO sa Padayon Asenso Ozamiz Administration walay gipihig o gipili ma gagmay o madagko nga mga magpapatigayon o BISAN MAYOR KA, KINAHANGLAN KA MAGBAYAD SA ENSAKTO NGA BULUHISAN NING DAKBAYAN.

Niini nga paagi angay nga sundon ang gibuhat nga lakang ni Pagadian City Mayor Sammy Co isip mga mamumuhonan ning dakbayan nga mubayad sa tukma ug ENSAKTO nga BULUHISAN sa ilang mga negosyo nga naga operate ning dakbayan.