3 PILLARS SA ASENSO MISAMIS OCCIDENTAL NAHILAKIP SA BEST PERFORMING PUBLIC OFFICIALS SA NASUD.

Ozamiz City | Ang tulo ka haligi sa ASENSO MISAMIS OCCIDENTAL ug tulo sa upat ka Northern Mindanao Executives ang usa sa mga top performing public officials sa nasud, si Misamis Occidental Governor Atty Henry S. Oaminal ug mga anak niini nga si Ozamiz City Mayor Atty Indy Oaminal ug Misamis Occidental 2nd District Representative Congressman Ando Oaminal ang NAHILAKIP sa top performing public officials sa nasud basi sa survey nga gihimo sa RP - Mission and Development Foundation Inc. (RPMD).

Si Working Governor Atty Henry Oaminal naka kuha sa 85% ug anaa sa Top 6 sa tanang gobernador sa tibook nasud; samtang si Misamis Occidental 2nd District Representative Congressman Ando Oaminal naka kuha ug 90% nga ratings ug Top 5 sa tanang District Representative tibook nasud.

Hisayran usab nga si Ozamiz City Mayor Atty Indy Oaminal sa tanan nga mga local chief executives sa tibook nasud naka kuha kini ug 80% ratings bisan pa man sa kabag-o pa niini sa pangatung-danan isip local chief executive sa dakbayan ug Top 9 sa tanan nga City Mayors sa nasud.

Ang best-performing public officials sa Pilipinas giila sa RPMD analytics team gikan sa 148 ka City Mayors, 253 District Representatives ug 81 ka Gobernador pinaagi sa pagpahigayon og halapad nga statistical research human sa publikasyon sa mga nag-unang opisyal sa nasud ug gabinete. 

Para madeterminar ang mga top public officials sa Pilipinas, ang top performers nga nakakuha og pinakataas nga score sa matag rehiyon gi-reorder sumala sa ilang percentage score base sa datos nga nakolekta gikan sa tagsa-tagsa ka constituents.

Gipahayag sa RPMD nga ang mga rating ug ranggo gisusi pag-ayo base sa performance sa trabaho. Isip lokal nga punong ehekutibo, ang mga Mayor adunay lain-laing mga responsibilidad. Ang mga gobernador adunay tulubagon sa pagpatuman sa mga programa ug mga inisyatibo, pagpatuman sa mga balaod, ug pagpatuman sa plano sa pagpalambo sa probinsiya. Sa laing bahin, ang mga Representante mao ang mga piniling opisyal nga gitugyanan sa pagrepresentar sa mga konstituwente ug paghimog balaod.

Via Bhal Cabrera