BONIFACIO MAYOR UG VICE MAYOR SUBLING GI SUSPENSO

Bonifacio Mayor Dumanjog ug Vice Mayor Dumanjog subling gi suspenso

Subling gi suspenso epektibo karong adlawa, May 30, 2023 sa Probinsya sa Misamis Occidental si Bonifacio Mayor Samson Dumanjog ug Vice Mayor Evelyn Dumanjog sulod sa 60 ka adlaw nga way madawat nga sweldo samtang kamulo nga gidungong sa Sangguniang Panglalawigan ang SP ADMIN CASE NO. 01-23 FOR: BETRAYAL OF PUBLIC TRUST IN RELATION TO SECTION 60 PAR. (B)(C) AND (H) OF R.A 7160.

Kini nga suspenso ang gi rekomenda sa mga Provincial Board members nga maoy ga dungog sa kaso ngadto ni Misamis Occidental Governor Henry S. Oaminal nga sa ingon dili magamit ang ilang katungdanan ug dili maka impluwensya samtang kamulo nga gi dungog sa Sangguniang Panglalawigan ang maong kaso.

Nanguna sa pag served sa 60days Preventive Suspension sila si Misamis Occidental Legal Officer Atty. Ar-reb Aquino ug Provincial Administrator Niño Sarte.

Present usab ang kapulisan sa Probinsya sa pagpanguna sa Provincial Director PCOL Marlon Quimno nga nangunay sa pagbantay sa maong lungsod para magmalinawon ang pag served sa naasoy nga Suspension Order.

Wala na makasulod sa Opisina ni Dumanjog ang mga ga served sa Suspension Order tungod wala sila gi abrihan sa mga tawo nga anaa sa sulod.

Samtang gi received usab Municipal Treasurer, COA, DILG Land Bank Tangub Branch, DBP Ozamiz ug Bonifacio Municipal Police Station ang maong Suspension Order batok sa magtiayong Dumanjog.

Ug sa Opsina sa Vice Mayor gabilin lang ug kopya sa Suspension Order ang mga ga served tungod kay naabtan nga abri ug way tawo ang maong opisina.

Gabilin usab ug kopya ang mga ga served sa Suspension Order ngadto sa Bulletin Board sa Municipal Hall sa Bonifacio nga makita sa mga tawo hilabina sa mga employees.

Si Hon. Ricky Bulahan ang mahimo nga Acting Municipal Mayor ug Hon. Loloy Cuizon ang mo hulip isip acting Vice Mayor subay sa Local Government Code tungod kay silang duha ang mga highest ranking SB Members sa Bonificio ug aron dili mabalda ang paghatag ug serbisyo para sa mga Bonifaciohanon. | 

Via JFD