Ozamiz City | Milusad ug hot pursuit operations ang mga Kapulisan ning dakbayan human nadawat ang taho nga adunay pagpangawat nga natigayon sa Barangay Bacolod ning syudad diin ang biktima mismo ang mi report sa kapulisan.
Ang insidente nakuhaan kini sa CCTV camera diin maoy rason nga mas dali nga nailhan ang suspetsado ug gipahigayon dayun ang maong operation, samtang gi alarma na usab sa tanan nga mga kapulisan ang description sa motor nga gigamit ug maoy rason nga naispatan kini sa mga PNP Beat Patrollers.
Sikop ang usa ka Jomarie Fuentes Encabo nga taga Brgy. Santa Cruz, Ozamiz City sa gipahigayon nga operations karong gabie March 1, 2023 didto sa Brgy. Bañadero, Ozamiz City.
Sa pag body search nakuha sa iyang possession ang mga buhing bala, mga pakete sa gitoohang shabu ug usa ka necklace nga gipanag-iya ni Brgy. Bacolod konsehal Michael Ramayrat nga matud pa gikawat kaganinang buntag.
Ang pagsikop gisaksihan sa mga Barangay Officials, DOJ and Media Representatives, samtang gidala na sa Ozamiz City Police Station ang suspetsado alang sa tukma nga disposition ug pagpasang-at sa kaso niini.
No comments:
Post a Comment