Ozamiz City - Padayon nga matagamtaman sa mga Misamisnon hilabina na ang mga residente ning ikaduhang distrito ning probinsya ang mga social services program ilalom sa Asenso Segundo Distrito administration nga sama nalang sa FREE HOSPITALIZATION PROGRAM nga saad kaniadto panahon sa kampanya ni 2nd District Congressman Ando Oaminal.
Hisayran nga iyang nasugdan ang maong programa panahon nga sya pa ang nangatungdanan isip Mayor sa Dakbayan sa Ozamiz nga nakahatag gayud ug dakong tabang ngadto sa mga Ozamiznon nga mi avail sa maong programa.
Gituman ni Congressman Ando Oaminal ang iyang saad ngadto sa mga katawhan sa Segundo Distrito nga ang nasugdan nga FREE HOSPITALIZATION PROGRAM nga iyang namugna sa Dakbayan iya kining ipa abot sa matag lungsod ug syudad nga iyang ginsakopan.
Enero 10, 2023 gihimo ang Signing of Memorandum of Agreement ug Ceremonial Turn Over of Checks sa duha ka PRIVATE HOSPITALS isip PARTNER PROGRAM nga anaa nahimutang sa Dakbayan sa Ozamiz ; nga mao TOBIAS FELICIANO FAITH HOSPITAL ug ang ST. JOSEPH GENERAL HOSPITAL.
Samtang gipaabot ni Congressman Ando Oaminal ang dako nga pagpasalamat ngadto ni DOH-X Regional Director Jose Llacuna, Jr ug sa duha ka partner hospitals nga mao ang Faith Hospital pinaagi ni Dr. JM Feliciano ug sila Dr. Jose and Atty. Joy Marave sa St. Joseph Hospital, nga maoy mahimong kaabag sa Asenso Segundo Distrito FREE HOSPITALIZATION PROGRAM ni Cong Ando Oaminal.
Gipasabot sa Kongresista nga ang mga katawhan sa Segundo Distrito nga mo avail sa maong programa, kinahanglan lamang nga mu duaw sa buhatan sa 2nd District Congressional Office nga nahimutang sa City Hall sa Ozamiz para ma proceso ang mga gikinahanglan nga mga dokumento alang sa ASENSO SEGUNDO DISTRITO FREE HOSPITALIZATION PROGRAM.
No comments:
Post a Comment