CAGAYAN DE ORO CITY, Enero 23 – Gihatagan og award sa Department of the Interior and Local Government (DILG)-10 ang 40 ka mga local government units nga nagpakita og talagsaong mga pasundayag sa pakigbatok sa ilegal nga drugas atol sa Anti-Drug Abuse Council (ADAC) Performance Awards.
Ang mosunod nga mga LGUs mao ang regional awardees sa Rehiyon 10 mao ang probinsya sa Misamis Occidental: Lokal nga Panggamhanan sa Probinsiya sa Misamis Occidental
Unit, Aloran, Bonifacio, Jimenez, Lopez Jaena, Panaon, Plaridel, Sapang Dalaga, Tangub City, ug Tudela.
Ang tanang mga LGUs nakakuha ug passing scores sa functionality ug awarding assessments, kalabot sa implementasyon, monitoring, ug evaluation sa anti-illegal drug activities sa ilang tagsa-tagsa ka lokalidad.
Nagrepresentar ni DILG 10 Regional Director Wilhelm M. Suyko mao si Assistant Regional Director Yvette Tolentino-Sunga kinsa mipaabot sa iyang hingpit nga pagpasalamat sa tanang LGU ADAC Focal Persons, Local Chiefs of Police, Local Health Officers, DILG Field Officers ingon man sa mga partner agencies gikan sa PDEA, PNP, DOH, ug CSOs nga walay hunong nga mibubo og mga paningkamot sa paghunong sa hulga sa drugas sa nasud.
“Atong makita nga ang gubat batok sa ilegal nga drugas kanunay nga usa ka kolektibong paningkamot. Hindi pwede sa National Government lang kini, Hindi pwede kay Governor ug Mayor lang kini. Sama sa giingon sa among bag-o nga programa, 'BIDA kitang tanan kontra ilegal nga droga. Sama po tayo!’”
Ang 2022 Regional ADAC Performance Awards nagsunod sa proseso sa pagtasa gamit ang awarding criteria nga naglangkob sa 1) BADAC Functionality; 2) Drug Clearing; ug 3) Pagkunhod sa Apektasyon sa Droga.
via Bhal Cabrera
No comments:
Post a Comment