Province of Misamis Occidental - DECEMBER 24, 2022 Nag sugod sa sayo nga kabuntagon, nag hapon, ug naabutan nalang sa pagka karon sa pagka sulat niini nga balita ang kasarangan ngadto na sa makusog nga pag ulan bunga sa panag sangka sa mainit ug mabugnaw nga hangin nga teknikal nga ginganlan ug Shear Line.
Ang mao nga hataas nga pag ulan nagpabaha sa pipila ka parte sa Lungsod sa Tudela, sakop niining Lalawigan sa Misamis Occidental.
Susama sa makita sa hulagway gikan sa usa ka lumolupyo sa nahisgutan nga Lungsod, daw taga tuhod ang baha sa ubos nga bahin niini.
Matud pa sa PAGASA, ang maong Shear Line mohatag ug kasarangan ngadto sa makusog nga pag ulan sa Silangan nga bahin sa Visayas, Kapuloan sa Dinagat ug ang kinatibuk-an nga Isla sa Mindanao. Giawhag nga magbinantayon ang mga lumolupyo sa nasangpit nga mga Lugar.
Via MIGZ NUNEZ | AKSYON TV / 106.7 RADYO ASENSO 106.7
No comments:
Post a Comment