NAGSUGAL UG MAHJONG SA BRGY. BACOLOD SIKOP SA OZAMIZ PNP

NAGSUGAL UG MAHJONG SA BRGY. BACOLOD SIKOP SA OZAMIZ PNP

Ozamiz City - Sikop sa Ozamiz PNP ang upat ka mga indibidwal kagahapong adlawa December 6, 2022 sa hapon sa Purok Bonifacio Brgy. Bacolod, Ozamiz City human kini naaktuhan sa mga awtoridad nga gasugal ug Mahjong.

Ang mga dinakpan ang giila sa kapulisan nga sila si Eldie Dalid, 58 years old, minyo, usa ka lalaki, Esterlina Prontes, 71 years old, minyo usa ka babaye, Amalia Calinga, 65 years old, minyo, usa ka babaye, ug parehong mga residente sa Brgy. Bacolod. Ug ang ika upat mao si Dexter Pioquinto, 31 years old, minyo, usa ka lalaki ug residente sa Brgy. Malaubang, Ozamiz City.

Nakuha gikan sa ilang possession ug pagpanag-iya ang mga bangko ug lamisa nga ilang gidulaan lakip na ang usa ka set sa Mahjong blocks, usa ka set sa Mahjong Pad, duha ka Mahjong Dice ug 3,130 pesos nga bet money.

Ang mga dinakpan ang kasamtangan karong naka detained sa Ozamiz City Police Station detention cell ug mag atubang sa kasong paglapas sa PD 1602. Via KSP