PUMP BOAT OPERATOR SIKOP SA DRUG BUY BUST OPERATIONS

Tangub City, Misamis Occidental | Marso 31, 2023 sa may alas 3:15 sa kahaponon gikasa ang usa ka hiniusa nga drug buy bust operation didto sa Purok 2, Barangay Silanga, Tangub City pinaagi sa mga tinugyanan sa Tangub City Police Station sa pagpanguna ni PMAJ ALVIN MERNILO TAMAYO, OIC uban usab ang mga personahe sa PDEU-MOCPPO, PIU-MOCPPC ug 2nd Provincial Mobile Force Company.

Sikop sa nahisgutang operasyon ang usa ka RONNIE METILLO TAMPARONG 37 anyos ang panuigon, minyu ,usa ka PUMP BOAT OPERATOR  ug residente sa Purok 2, Barangay Poblacion, Tubod, Lanao del Norte.

Positibo ang napalitan sa suspetsado sa usa ka (1pc) putos nga gitoohang shabu, samtang sa nakumpiska usab sa posisyon sa maong suspetsado ang lima (5) ka mga putos nga gitoohang shabu ug ang buy bust money niini nga usa ka (1pc) One Thousand Peso Bill nga adunay serial number TQ035560.

Samtang laing nakuha pa sa iyang posisyon nga CASH nga mubalor ngadto sa (1,070.00), One (1) unit cal.38 revolver – smith and Wesson- nga walay serial number ug lima (5) ka cartridges o bala sa cal.38. ug ang nakumpiska nga gitoohang shabu gibana-bana ngadto sa 2.7 grams nga adunay DDB street value nga nag kantidad sa (18,360.00).

Ang pagpahigayon sa body searched, markings ug inventaryo sa mga nakuha nga ebidensya gisaksihan kini sa sakop sa MEDIA ug Barangay Officials, ang suspetsado uban ang mga nakumpiska nga ebidensya anaa na karun sa kustudiya sa Tangub City Police Station alang sa sakto ug tukma nga disposisyon niini.

Via Bhal Cabrera 

CONSTRUCTION WORKER SIKOP SA PAGHUPOT SA ILLEGAL NGA ARMAS

Wala makaikyas sa balaod ang usa ka Junery Pekit Damas, 37 years old, minyo, Construction Worker ug residente sa P-2 Brgy. Mialen, Clarin, Misamis Occidental human gi serve sa mga Personnel sa Mis Occ 2nd PMFC ang bitbit nga Search Warrant no. 2023-07 nga gipagawas ug pinirmahan niadtong March 29, 2023 ni Ozamiz City MTCC 10th Judicial Region Executive Judge Llani Sacote Valconcha. 

Basi sa search warrant, gimandoan ni Judge Valconcha ang mga kapulisan sa pagpangita ug pagkumpiska sa giingon nga ihalas nga armas uban sa mga buhing bala nga gitagoan sa panimalay ni Junery Damas.

Si PCAPT Roland Flores lV ang Platon Leader sa Mis Occ 2nd PMFC ubos sa supervision ni PLTCOL Peter Rhyan Revillas ang nanguna sa pag serve sa Search Warrant ngadto sa panimalay ni Damas karong buntag March 31, 2023 kauban sa mga personnel gikan sa PIU ug Clarin MPS.

Diin nakuha mismo sa iyang panimalay ang usa ka cal. 45 , lima ka mga buhing bala niini ug usa ka magazine.

Ang maong pag serve sa Search Warrant ang gi saksihan ni Brgy. Mialen kapitan Rey Ebarle uban ni Kagawad Ransam Amesola, ug sakop sa Local Media.

Samtang gi-angkon usab ni Damas nga iya ang maong pusil nga matud niya pang Self Defense lamang. 

Ang suspect ang kasamtangan balhog karon sa Clarin MPS para sa saktong disposasyon. | Via John Fel Duhaylungsod 

FREELANCE MAKE-UP ARTIST UG USA KA MIEMBRO SA LGBTQ COMMUNITY; NASIKOP SA DRUG BUY BUST OPERATIONS.

Ozamiz City, Misamis Occidental :  Mipahigayon ug drug buy bust operations ang Ozamiz City Police Station sa pagpanguna ni Ozamiz CPS CHIEF - P/MAJ DENNIS P. TANO uban ni P/CPT ELWOOD MALANOG ang kasamtangan nga Deputy Chief niini ug mga sakop sa Ozamiz CPS Intelligence / Drug Enforcement Unit, Marso 28, 2023 didto sa may Purok 10, Circumferential Road (Bitoon) Barangay Aguada, Ozamiz City.

Nga miresulta sa pagka sikop sa usa ka NIEL DURIAS, 26 anyos ang panuigon, usa ka Freelance Make-Up Artist ug residente sa Brgy. 50th District, Ozamiz City, positibo nga napalitan sa mga operatiba sa Ozamiz CPS ang suspetsado sa usa (1) ka putos o sachet nga shabu nga mibalor ug (Php 500.00) Five Hundred Pesos samtang nakuha usab sa iyang posisyon human kini girekisa ang siyam (9) ka mga putos nga shabu ug ang buy bust money nga Five Hundred Pesos.

Ang paghimo sa maong drug buy bust operations gisaksihan sa mga representante sa DOJ o Department of Justice, Media ug Barangay Official ( Barangay Aguada ), sa pagkakaron ang kustodiya sa maong suspetsado anaa sa Ozamiz CPS alang sa saktong disposisyun niini ug nabalhog na kini sa detention cell sa nahisgutang station samtang gi-andam ang tukmang kaso batok kaniya.

VIA BHAL CABRERA

TRAINING WORKSHOP SA CLUP UG CDRA GIPAHIGAYON SA PADAYON ASENSO OZAMIZ ADMINISTRATION.

 

 

Ozamiz City, Misamis Occidental | Sa tinguha nga ang Dakbayan sa Ozamiz mamahimo nga “REGIONAL CENTER” sa tibook Mindanao, gipahigayon ang 3-day training workshop sa Comprehensive Land Use Plan 2023 ( visioning, planning workshop and input for CDRA – Climate and Disaster Risk Assessment, March 20-22, 2023 didto sa Bethany Gardens, Ozamiz City.

 

Hisayran nga adunay mandato ang matag LGU o local government unit sa pag andam sa Comprehensive Land Use Plan nga naka latid usab sa local government code of 1991 diin ang primary basis and framework para sa umaabot nga pag gamit o pag-utilized sa land resources sa dakbayan ug magamit ang land resources  alang sa laing-laing sektor sa dakbayan.

 

Ang 3 ka adlaw nga training workshop gidumala sa UP Planades ( University of the Philippines Planning and Development Research Foundation Inc. ) ang team of experts o professionals nga naglangkob sa Urban and Regional Planning, Managament, Finance and Design. 

 

Si Ozamiz City Mayor Atty. Henry “INDY” Oaminal Jr. ang nanguna sa maong training workshop uban ang mga sakop sa Ozamiz City Council led by Ozamiz City Vice Mayor Bebe Neri, LGU Department Heads, mga empleyado sa mga hingtungdan nga ahensya, mga respresentative sa mga nagka daiyang sektor sa dakbayan, ug mga barangay opisyales.

LGU CLARIN MIPAHIGAYON SA GENDER AND DEVELOPMENT, CONTINGENCY PLANNING UG LDRRM PLAN SA TUIG 2024-2026.

Clarin, Misamis Occidental | Sa tumong nga mapasiguro ang kaandam sa local nga pangagamhanan sa lungsod ug ang hingtungdan nga mga ahensya sa unsang matang nga emerhensya o mga panghitabo sa mga ginsakupan niini ug sa kinatibuk-ang lungsod, ang kasamtangan nga pamunoan sa pagpanguna ni Humble Public Servant and Action Man Mayor Jojo Dacer Roa ug ang kaabag niini Vice Mayor Ging Oaminal-Delos Santos ug mga miembro sa konseho mipahigayon sa usa ka hiniusang nga Updating on Gender and Development Plan (CY 2024), Contingency Planning and Local Disaster Risk Reduction and Management Plan (CY 2024-2026).

 

Ang Contingency Plan nag tumong sa mga lakang unsay mga angay nga buluhaton ug tahas sa local nga pangagamhanan (LGU) kung adunay mga kalamidad ug pagpalig-on sa mga kapasidad sa usa ka LGU pinaagi sa pagdala sa mga operasyon sa pagtubag sa bisan unsa nga kalamidad nga giatubang niini, samtang ang LDRRM Plan usa ka estratehiya ug interbensyon nga paga himoon sa usa ka LGU aron mamenosan ang risgo sa mga katalagman. 

 

Ang kahimoan sa maong mga aktibidades naka alayon sa programa ug naka angkla sa mga tinguha nila ni Misamis Occidental 2^ndDistrict Representative Congressman Ando Oaminal ug sa Probinsyal nga Pangagamhanan pinaagi sa pagpanguna ni Working Governor Atty. Henry Sevilla Oaminal Sr. nga ang matag Misamisnon Magpuyong Malinawon Malamboon ug Malipayon. 

via Carmelito Heray 

MIO LGU Clarin

TOP 1 MOST WANTED CITY LEVEL ALIAS "BANTAM" SIKOP SA OZAMIZ CITY PNP.

TOP 1 MOST WANTED CITY LEVEL ALIAS "BANTAM" SIKOP SA OZAMIZ CITY PNP.

Ozamiz City, Misamis Occidental | March 13, 2023 - 9:10 AM Ang mga personahe sa Ozamiz CPS (lead unit) pinangulohan ni PCPT JOSEPH ROA CAGBABANUA, Operation/Admin PCO uban sa mga personahe sa 2nd PMFC MOCPPO, PIU MOCPPO, 1002nd Coy RMFB10 ug CIDG-NCRFU mipahigayon og hiniusang operations ug pag silbi sa Warrant of Arrest (WOA )ngadto sa Top 1 Most ( City Level) Wanted Person nga si CIRILO PINOTE y BANUA a.k.a. Bantam, 39 y/o, single, unemployed, resident of P-8, Carmen Annex, Ozamiz City;

Ang suspect gisikop sa kasong MURDER nga gisang-at batok kaniya nga adunay docket ubos sa CC# RTC 9950 nga gi-isyu ni Hon. Grace Libo-on Yulo, Presiding Judge, RTC Branch 15, Ozamiz City nga walay girekomendar nga piyansa. Kasamtangang gitanggong sa CIDG-NCRFU, Camp Crame, Quezon City ang suspect alang sa tukmang disposasyon. 

CONG. ANDO F. OAMINAL; MI QUESTION SA NASUDNONG KAPULISAN NGA MAY KALABUTAN SA PAGPAMUSIL-PATAY NI NEGROS ORIENTAL GOVERNOR ROEL DEGAMO.

Published Marso 8, 2023, 10:28 AM

Bhal Cabrera

Ozamiz City, Misamis Occidental | Marso 8, 2023 sa gipahigayon nga pakisusi sa House Committee on Public Order and Safety diin usa ka “motu propio” wala nga gipahibalo o bulontaryong pakisusi sa mga sakop sa nahisgutang komitiba nga may kalabutan sa kaso ni Negros Oriental Governor Roel Degamo sa pagpamusil-patay nga miresulta usab sa 9 pa ka kinabuhi ang nadamay.

Si Misamis Occidental 2nd District Representative – Congressman Ando Oaminal ang mipasupot sa maong pangutana; Nganong wa man makapugong ang Philippine National Police (PNP) sa pagpatay kang Negros Oriental Governor Roel Degamo bisan pa man sa “validated” nga hulga sa iyang kinabuhi?

Kahinumduman nga si Governor Roel Degamo gipusil patay sulod mismo sa iyang balay samtang nakig uban sa iyang mga katawhan ug mga beneficiares sa  Pantawid Pamilyang Pilipino Program o 4P’s niadtong Sabado sa buntag, Marso 4 sa Pamplona, ​​Negros Oriental.

Samtang namahayag usab ang House Committee Chairman niini nga si Santa Rosa Lone District Representative Congressman Dan Fernandez ; “Last hearing po apat lang yung biktima. But this time, nadagdagan nanaman ng isa, si Gov Degamo (There were only four victims during the last hearing. But this time, Gov Degamo was added to the list),” gidugang pa ni Congressman Dan Fernandez "Alarming gyud nga sitwasyon (The situation is really alarming) and it's high time for us...to find out what measures you are using to prevent situations like this,"

Atol sa maong hearing lakip sa mitambong nga mga opisyal sa PNP mao si PNP Directorate for Personnel Records and Management head Gen. Matthew Baccay. Sa pagpakisusi ngadto ni Gen. Baccay, si Congressman Ando Oaminal miingon nga nakadawat siya og mga taho nga si Governor Roel Degamo nga adunay gideklarar nga validated threat,(apan wala kini kapugngan)”.

“There were already validated threats na po daw, naa na gyud gusto pumatay sa iya (Degamo). Ug sa pagkatinuod sa usa sa mga pamahayag sa SILG [Benhur] Abalos, nasabi niya nga si Gobernador Degamo usa ka higala niya ug mi-report kaniya nga aduna na gyud mga hulga (May mga validated na nga mga hulga, nga adunay mga hulga sa kamatayon. batok kaniya.Ug sa pagkatinuod sa usa sa mga pamahayag sa SILG [Benhur] Abalos, iyang gihisgutan nga si Degamo, nga iyang higala, mitaho kaniya niining mga hulga. “Busa kon tinuod nga validated ang mga hulga, sa mga awtoridad o sa intel department sa PNP (o sa intel department sa PNP), nganong dili man nato mapugngan (nganong wala man kini mapugngan?)” pangutana ni Congressman Oaminal.

Siya midugang: “Unsang kasegurohan ang mahatag kanato sa organisasyon o sa institusyon? Kasi yung nga po, validated threat na (Because these threats have already violated).” Samtang gipamulong ni General Baccay sa house panel nga gitun-an sa PNP ang posibilidad sa pagpakusog sa ilang protective security personnel (PSPs) ug protective agents (PAs). Matod niya ang mga local chief executives mismo ang nangayo niini gikan sa PNP.