BIR OZAMIZ NAGPAHIGAYON UG TAX CAMPAIGN UG COLLECTION DRIVE SA MISAMIS OCCIDENTAL

OZAMIZ CITY | Opisyal na nga gisugdan sa Bureau of Internal Revenue - Revenue District Office 100 – Ozamiz City ang 2023 National Tax Campaign nga nagdala sa tema nga “Tulong-tulong sa Pagbangon, Kapit-Kamay sa Pag-ahon, Buwis na Wasto, Alay Para sa Pilipino’’, Pebrero 28, 2023 sa may Royal Garden Hote, Ozamiz City.

Atol sa maong kalihukan, si BIR Region 10 Assistant Regional Director Rufo B. Ranario namulong sa mga magbubuhis, BIR Officials ug stakeholders  nga buhaton ang ilang bahin sa pagsuporta sa pagbangon ug paglambo sa Pilipinas.

Hisayran nga usa kini sa mga priority programs sa administrasyon ni Presidente BBM ug gani nahilakip kini sa iyang labing una nga State of the Nation Address sa miaging tuig miingun nga ang mga reporma sa administrasyon  sa buhis ipahigayon aron madugangan ang koleksyon sa kita sa nasud tungod kay ang ekonomiya gilauman nga mu motubo sa 6.5 ngadto sa 7.5 nga porsyento karung tuiga.

Gipamahayag usab ni PBBM nga ang sistema sa buhis sa nasud ipahiangay aron maabut ang paspas nga pag-asenso sa digital nga ekonomiya, lakip na usab ang pagpahamtang sa value-added tax sa mga digital service providers.

Samtang nag-awhag ug nagpahinumdom si BIR Ozamiz Revenue District Officer Atty. Ma. Jonelle S. Faune, nga mobayad na ug magfile na sa dili pa muabot ang deadline sa pagsubmitar sa income tax return para sa tuig 2022; gidugang pa ni Atty. Faune nga adunay mga laing pamaagi sa pagpabayad diin anaa usab ang mga Electronic Services niini sama sa EFPS Filing, e-BIR Forms Filing, BIR ePayment System kini nga mga electronic services available kini sa maong buhatan para dili na kinahanglan mag dasok sa mga bangko, sa mga nagkadaiyang lungsod diin anaa ang BIR Collection Agents.

Gikalipay sa mga opisyales sa BIR Ozamiz ang malapuson nga kahimuan sa maong aktibidades uban sa dakong supporta niini hilabina na ang LGU Ozamiz sa pagpanguna ni Mayor Atty. Indy F. Oaminal ug sa uban pang mga local stakeholders, business sectors ug mga nagka laing-lain nga local government unit sa probinsya. 

via Bhal Cabrera 

TOP 1 PNP-PDEA DRUG WATCHLIST SA MISAMIS OCCIDENTAL; SIKOP SA OZAMIZ PNP DRUG BUY BUST OPERATIONS.

Ozamiz City, Misamis Occidental | Sa hiniusang drug buy bust operation nga gipahigayon February 21, 2023 nga gipangunahan sa Ozamiz City Police Station led by PMAJ Dennis Tano ug PCAPT. ELWOOD MALANOG uban ang mga personahe sa Misamis Occidental Police Provincial Office – Provincial Intelligence Unit ug Provincial Drug Enforcement Unit.

Sikop sa maong operasyon didto sa may New Road – (Carangan-Bacolod Diversion Road) Barangay Carangan ning syudad ang giila nga Top 1 PNP-PDEA watchlist sa tibook probinsya, positibo nga napalitan sa PNP operatives ang maong suspect ug dha sa akto sikop ang usa ka CLEFORD MERCADO ALEGADO, 30 anyos ang panuigon, minyu ug adunay 4 ka mga anak ug residente sa Barangay Bacolod, Ozamiz City.

Gisaksihan sa mga Barangay Opisyales sa nahisgutang barangay uban ang DOJ ug Media Representative ang pagrekesa niini ug positibo usab nga nakuha gikan sa suspetsado ang mga (9) siyam ka sachet o pakete nga gitoohang shabu, dugang pa ang unang (1) ka pakete nga napalit niini sa mga operatiba.

Samtang giangkon usab gilayon sa suspetsado nga sya nagpayuhot o namaligya sa maong mga illegal nga droga ug gani iya usab gipamahayag nga sa silingan nga probinsya usab sya nagakuha isip tinubdan niini, dugang pa nga sya miangkon nga mugamit usab sya sa maong ginadili nga droga diin katapusan nga gamit niya niini, kagabee pa lamang.

Gipamayahag usab ni PMAJ Dennis Tano ang hepe sa kapulisan sa dakbayan nga dugay na nila kini gipanid-an diin miluntad ngadto sa 3 ka bulan nga pag monitor sa maong suspetsado, ang dinakpan ang anaa na karun kustodiya sa Ozamiz City Police Station alang sa sakto nga dokumentasyon, disposition ug pag andam sa tukma nga kaso nga ipasaka batok sa suspetsado. // via Bhal Cabrera

SERBISYO CARAVAN GIPAHIGAYON SA LGU OZAMIZ CITY TECH4ED CENTER

Ozamiz City, Misamis Occidental | Ang  Tech4Ed Center usa ka programa ilalom sa DICT o Department of Information & Communications Technology nga nag promote sa digital literacy, alternative education, employment, microbusiness ug nagtabang sa mga online application sa tanan nga mga online government services ug transactions sama sa Philippine Statistics Authority (PSA), National Police Clearance, NBI, PRC, SSS, GSIS, DFA, OWWA ug uban pang government agencies.

Hisayran nga panahon sa administrasyon pa ni kanhi mayor sa dakbayan ug karun maoy nagdala sa tingog sa segundo distrito ngadto sa hawanan sa kamara de representante – Congressman Ando F. Oaminal gina suportahan na ang maong programa sa DICT diin dako kaau ang natampo ug natabang niini sa tanang mga cliente sa maong buhatan.

Ang Padayon Asenso Ozamiz Administration pinaagi sa pagpanguna ni Ozamiz City Mayor Atty. Indy F. Oaminal ang mihatag usab sa dako nga suporta sa programa sa DICT pinaagi sa pagpadayon niini nga mas mapaabot pa gayud ang mga programa sa DICT nga gi adopt sa kasamtangan nga pamunoan sa syudad.

Alayon niini gipahigayon ang SERBISYO CARAVAN ngadto sa Barangay Stimson Abordo (Montol) basi sa letter request nga gipadangat sa barangay chairman ngadto sa buhatan sa local chief executive ning dakbayan, ubay ubay ka mga barangay residents niini ang naka avail sa maong serbisyo caravan.

Sa pamahayag ni Maam Laarni Engracia, ang Officer in Incharge sa LGU Ozamiz City Tech4Ed Center dako kaau nga gikatabang ang gipahigayon nga SERBISYO CARAVAN hilabina ngadto sa mga cliente niini kinsa mi avail sa maong mga serbisyo gawas nga kadaghanan niini walay kaantigo sa pag gamit sa mga kahimanan sa computers ug wala usab kini kahibalo sa mga angay nga paga buhaton nga proceso sa pag apply sa mga nagkadaiyang online government services transactions, dako na usab kini ug na savings tungod kay dako kaayu ang pletehan sa pampublikong transportasyon gikan sa maong barangay padulong ngadto sa sentrong bahin sa dakabayan.

Ang LGU Ozamiz City Tech4Ed Center nagserbisyo dili lang sa mga taga ozamiz kun dili nag alagad usab kini sa mga residente sa 2nd District (Segundo Distrito) sa probinsya sa Misamis Occidental. // via Bhal Cabrera

FREE HOSPITALIZATION UG FUNERAL SERVICES SA PADAYON ASENSO OZAMIZ ADMINISTRATION; PADAYON NGA NATAGMTAM SA MGA OZAMIZNON.

Ozamiz City, Misamis Occidental | Padayon nga gitagamtam sa mga ozamiznon ang tiunay ug lubos lubos nga serbisyo sa Team Asenso hilabina ning dakbayan, walay hunong nga pagpa abot sa mga batakan nga serbisyo nga gihatag sa pamunoan sa Padayon Asenso Ozamiz Administration sa pagpanunga ni Ozamiz City Mayor Atty. Indy F. Oaminal hilabina ang mga social services niini nga FREE HOSPITALIZATION UG FUNERAL SERVICES.

February 16, 2023 gipamahayag ug gipahibalo ni Mayor Atty. Indy F. Oaminal pinaagi sa iyang official social media platform;

“ Ako na lang pud ipahibalo na from November 2022 to January 2023, we covered the hospital bills of 799 patients amounting to Php 17,532,231.40 and the funeral bills of 127 families amounting to Php 1,842,300.00” – Mayor Indy.

Sa susamang post gipa abot usab sa local chief executive ning dakbayan nga nagmabungahon ang ilang panagtagbo ni Philhealth Regional Vice President Delio Aseron uban sa mga kadagkoan sa PHILHEALTH sa ingun niini adunay mga maayung natumbok nga mga pagtulun an sa pagpa anindot ug pag improve sa Asenso Ozamiz Free Hospitalization Program aron sa pag maximize sa panudlanan sa syudad. // via Bhal Cabrera

VALENTINES DAY GISAULOG SA CITY GOVERNMENT OF OZAMIZ;PUNO SA SURPRESA UG KALIPAY.

Ozamiz City, Misamis Occidental | February 14, 2023 ang adlaw sa gugma o valentines day ang gisa ulog sa adlaw sa kapistahan sa mga kristiyano nga nagpasidungog sa usa ka martir nga ginganlag Valentine.

Pinaagi sa tradisyon sa mga tawo, nahimo kini nga usa ka mahinungdanon nga kultura ug selebrasyon sa romansa ug gugma sa daghang rehiyon sa kalibutan, ang lokal nga pangagamhanan sa syudad pinaagi sa Padayon Asenso Ozamiz Administrasyon sa pagpanguna ni Ozamiz City Mayor Atty. Indy F. Oaminal mihatag ug bili sa pagsaulog ug paghatag ug kahulugan sa adlaw sa gugma pinaagi sa simply nga pagsaulog niini.

Paghatag ug pasidungog ug importansya sa dakong tampo sa mga empleyado sa lokal nga pangagamhanan sa syudad sa dakong ambag niini sa paghatag sa serbisyo ngadto sa matag Ozamiznon, napuno sa kalipay ug kasadya ang matag opisina sa syudad ma lokal o national nga ahensya sa goberno man.

Tungod kay si Mayor Atty. Indy nag andam ug surpresa sa matag empleyado sa syudad, diin matag opisina gyud ang gibisita ug gi surpresa dala ang coupons nga nag libre kanila sa usa ka VALENTINE DINNER DATE ug ang tanan usab nakadawat sa PA-YELLOW CAB PIZZA nga mas naka pa bibo ug sadya sa matag opisina.

Samtang nahimo usab nga mas meaningful ang pagsaulog sa adlaw sa gugma tungod kay ang atong mga higalang pulis sa dakbayan pinaagi sa Ozamiz City Police Station sa paagpanguna ni PMAJ Dennis Tano ang mi harana sa matag opisina agi ug supporta sa gihimo sa city government gawas niini midalit usab kini ug mga bulak sa mga empleyado sa syudad. 

Malipayon nga mipadangat sa ilang mensahe pasalamat ang mga empleyado sa syudad ngadto ni Ozamiz City Mayor Atty. Indy Oaminal sa paghatag ug bili kanila hilabina ang pagsaulog sa adlaw sa gugma ug ila gayud nabati ang padayon nga pagmahal ug pagpangga sa mga lideres sa syudad.

Via Bhal Cabrera

OZAMIZ CITY MAYOR ADUNAY PANAWAGAN SA MGA LOCAL MONEY LENDERS SA DAKBAYAN.

OZAMIZ CITY, MISAMIS OCCIDENTAL | February 13, 2023 atol sa gipahigayon nga regular Monday flag raising ceremony personal nga mipadangat sa iyang mensahe ang amahan sa dakbayan nga si Ozamiz City Mayor Atty. Indy F. Oaminal ngadto sa mga kawani sa lokal ug national nga pangagamhanan.

Una nga gipaabot niini, nga ang kasamtangan nga administrasyon uban sa dakong supporta ni Misamis Occidental Governor Atty. Henry S. Oaminal Sr. ug 2nd District Representative – Congressman Ando F. Oaminal nga wala nay obligasyon o utang nga gi atubang ang local nga pangagamhan niing syudad ngadto sa mga nagka daiyang lending institutions sa atong nasud, LGU Ozamiz City is now a “DEBT-FREE’’.

Dugang pa niini dako kaau kini ug ikatabang kay adunay dakong pundo ang na save niini sa panudlanan sa syudad kinsa maka dugang na usab kini sa mga nagka daiyang serbisyo ug programa nga ipaabot ngadto sa matag katawhang ozamiznon.

Ikaduha nga gipaabot sa local chief executive nga mensahe ngadto sa mga Local Money Lenders sa syudad especially ngadto sa mga lenders nga gihimo nga collateral ang mga ATM cards sa mga empleyado, dugang pa niini nanawagan ug naghangyo kini nga e uli ang maong mga ATM Cards within 30 days.

Sa iyang post sa iyang official social media platform “ appealed to money lenders to return the ATM cards surrendered to them as loan collateral or security by government workers. Kini nga practice gipa undang na sa BSP – Bangko Sentral ng Pilipinas tungod sa iyang makadaot nga epekto ug sa pagresulta niini sa mga illegal nga mga activities. – Mayor Indy.

Matud pa sa mayor nga ilaha kining gibuhat nga lakang ang pag hangyu una sa mga local money lenders sa syudad nga e uli ang mga ATM Cards ngadto sa mga matag empleyado niini, adesir nila ipahamtang o e implementar ang balaod o ordinansa nga Anti- ATM Pawning Ordinance of 2023 – nga naga bawal si bisan kinsa nga naga pautang ug gigamit ang ATM Cards as collateral, ug si kinsa nga mapamatud an nga naka lapas sa maong balaod kini maga resulta sa pagka preso ug ang pag serado sa mga business establishments niini.

Gidugang pa ni Mayor Indy nga kinahangkan ni nila nga pagabuhaton para sa kaayohan sa mga kawani sa goberno, nga sa adlaw adlaw nagserbisyo para sa tanan.

MAAYONG RELASYON UG PAKIGDUGTONG SA PNP OZAMIZ NGADTO SA CITY GOVERNEMNT OF OZAMIZ; KANUNAY NGA GIHUPTAN

OZAMIZ CITY, MISAMIS OCCIDENTAL | Kini ang giluwatang pamahayag ni PMAJ Dennis Tano ang OIC sa Ozamiz City Police Station sa gipahigayon nga pakigtagbo sa mga local media sa dakbayan, gisaysay sa hepe sa kapulisan sa dakbayan nga very close ug very strong ang relasyon sa kapulisan sa syudad ngadto sa Padayon Asenso Ozamiz Administration sa pagpanguna ni Ozamiz City Mayor Atty. Indy Oaminal.

Hisayaran nga naga submitar ang hepe sa kapulisan ug matag adlaw nga report ngadto sa local chief executive ning dakbayan sama sa sitwasyon sa syudad, arrested persons, accomplishments and crime situations, gidugang pa sa hepe nga sa kinatibuk-an hands-on ang mayor sa dakbayan sa mga panghitabo sa palibot ug kanunay kini nga nakisayud.

Ang kahapsay ug kalinaw nga nakab-ot karun sa dakbayan sa ozamiz dili lang kini sa pagpaningkamot sa mga sakop sa Ozamiz City Police Station kun dili mao kini resulta sa hugot nga suporta sa atong mayor sa dakbayan – Mayor Atty. Indy F. Oaminal ug sa tanang City Government Officials, sa atong mga Business Sectors & Stakeholders, Religious Sector; dugang pamahayag ni PMAJ. Dennis Tano.

Kahinumduman nga all out ang supporta nga gi extend o gihatag sa Padayon Asenso Ozamiz Administration ngadto sa local police sa syudad maski sa panahon pa ni kanhi Ozamiz City Mayor ug karun 2nd District Misamis Occidental Representative – Congressman Ando Oaminal, ubay ubay na ka mga brand new units nga mga police cars ang gi turn over ni Congressman Ando ug Mayor Indy ngadto sa atong local police diin ang mga galastoan sa pag mintinar ug pang gasolina niini gi angkon na usab sa local government unit sa ozamiz, uban pang mga logistical needs ug pagtukod sa mga sub-stations sa dakbayan ug ang monthly allowance nga gi allocate sa pangagamhanang lokal.

Via Bhal Cabrera

FIRE VICTIMS SA BARANGAY LAM-AN NAKADAWAT UG AYUDA SA TEAM ASENSO MISAMIS OCCIDENTAL

Ozamiz City | Hinabang gikan sa Team Asenso Misamis Occidental, gi apud apud ngadto sa mga biktima sa sunog nga natigayon kaniadtong Pebrero 7, 2023 sa may Purok 3 Barangay Lam-an, Ozamiz City.

Nadawat sa mga biktima sa maong sunog ang mga hinabang gikan sa Provincial Government sa pagpanguna ni Working Governor Atty Henry Sevilla Oaminal, SA DSWD Region 10 pinaagi sa pagpaningkamot sa local government unit sa Ozamiz sa pagpanguna ni Mayor Atty Indy Oaminal ug sa mga Opisyales sa Barangay Lam-an pinaagi ni Punong Barangay ug FABC President BM Sunny Oaminal.

Hisayran nga gikan sa Provincial Government madawat ang half sack nga bugas, assorted goods ug 3mil Ka pesos nga cash, samtang sa DSWD 10 thru the effort of LGU Ozamiz ang mga relief supplies ug hygiene kit ug mi counter part usab ang barangay ug cash assistance nga mubalor ug 5mil ka pesos.

Magpasalamaton ang mga beneficiaries ngadto sa namunoan sa Team Asenso Misamis Occidental ug sa Padayon Asenso Ozamiz administration sa ilang mga hinalali nga ayuda nga gipadangat niini.

SK CHAIRMAN SA 50TH DISTRICT BIKTIMA SA PAGPANGHABLOT UG CELLPHONE; SUSPETSADO TANGGONG

Tanggong sa Ozamiz City Police Detention Cell ang usa ka babaye, hamtong ang panuigon ug naila sa pangalan nga si Maricel M. Rudenas human matud nanghablot o pugsanong gikuha ang usa ka OPPO 31 Cellphone nga gipanag-iya ni Geah Faith V. Flores, SK Chairwoman sa Brgy. 50th District, Ozamiz City.

Ang maong panghitabo natala kagahapon February 7, 2023 sa 3:30 sa hapon sulod mismo sa Brgy. Office sa Brgy. 50th District human sa gipahigayon nga Regular Session sa mga Barangay Officials sa naasoy nga barangay. 

Sa imbestigasyon nga gipagawas sa Ozamiz PNP, adunay panagbangi ang suspect ug si Councilor Evelyn Recamadas nga mi resulta sa komprostasyon ug kalit nga giilog ang Cellphone sa SK Chairwoman nga si Flores ug gisulod sa suspect sa iyang Shoulder Bag.

Hinungdan nga ang biktima daling nangayo ug Police assistance para ma rekober ang iyang Cellphone nga gihablot sa Suspect. | Via Bhal Cabrera

HEALTH SERVICES PROGRAM SA PADAYON ASENSO OZAMIZ ADMINISTRATION MAS GIPALAPDAN.

Ozamiz City, Misamis Occidental | Ilalom sa Padayon Asenso Ozamiz Administration sa pagpanguna ni Ozamiz City Mayor Atty. Indy F. Oaminal mas gipalapdan ug gipalig on ang health care services program ning syudad aron mas makapadayon sa paghatag ug maayung serbisyo sa matag Ozamiznon.

Hisayran nga Enero 31, 2023 na approved on the last final reading sa Ozamiz City Council pinaagi sa gihimo nga session niini, gi aprobar sa konseho ning dakbayan ang request sa local chief executive nga pagatugutan o e authorize ang kasamtangan nga OIC- sa Cith Health Office nga si Dr. Maria Florelyn Yrog-irog nga mo representar para sa pag apply sa Ozamiz City Health Office ngadto sa pagka PRIMARY CARE FACILITY.

Kini usa ka maayung lakang ug sa pagpaningkamot ni Ozamiz City Mayor Atty Indy Oaminal ug sa mga City Government Officials nga mas mapaabot pa ang batakan nga serbisyo sa panglawas ngadto sa mas kadagahanan nga ozamiznon kon mamahimo na kini nga PRIMARY  CARE FACILITY sa umaabot, mas lapad na ang serbisyo nga mahatag sa atoang syudad ug sa atong mga City Health Personnel.

Gawas nga mas mapalapdan ang serbisyo sa panglawas makahatag usab kini ug dakong oportunidad sa mga ozamiznon nga maka empleyo sanglit gikina hanglan man ang mga position sa mga allied health care providers sama nalang sa Pharmacist, Medical Technologist ug uban pang gikinahanglang nga position. 

Sa pamahayag ni Ozamiz City Councilor Dingky Suizo ug iyang gi kompirmar nga ilaha nang gi approved ang usa ka ordinansa nga nag create sa mga position nga gikinahanglan sa usa ka Primary Health Care Facility, iyang gidugang nga mga eligibles ug registered professionals lamang ang maka apply sa mga bakanteng position.

Mga SERBISYO o ancillary services sa usa ka Primary Care Facility mao ang mga musunod; Clinical laboratory services, Diagnostic radiologic services, Pharmacy Servics, Birthing Services, Dental Services ug Ambulance Services (Type 1).

BIDA PROGRAM SA PROBINSYA SA MISAMIS OCCIDENTAL GIPAHIGAYON; PNP NATIONAL OFFICIALS MITAMBONG.

Ozamiz City I Ang atong Kapulisan sa Misamis Occidental Police Provincial Office ug ang Provincial Local Government Unit sa Misamis Occidental naglusad sa anti-illegal drugs advocacy program nga gitawag og Buhay Ay Ingatan, Droga'y Ayawan (BIDA), nga gihulagway nga mas gipakusgan ug mas holistic nga kampanya nga gipahigayon sa Asenso Misamis Occidental Sports and Cultural Center, Pebrero 5, 2023.

Mihidangat sa probinsya si PLTGEN RHODEL O SERMONIA, ang kasamtangan nga PNP Deputy Chief for Administration, ug maoy nag pasayon sa BIDA PROGRAM sa Probinsya, gi welcome usab ang maong opisyal ni Misamis Occidental Working Governor Atty Henry Sevilla Oaminal ug mga miembro sa Sangguninang Panlalawigan ug mga City and Municipal Mayors ning probinsya.

Sa maong kalihukan mitambong usab

si PBGEN LAWRENCE BALDAN COOP, Regional Director, PBGEN JASON L ORTIZO, Director Chaplain Service,  PBGEN BENEDICTO T PINTOR, DRDA and PCOL DANILDO B TUMANDA, DRDO and PCOL HENRY G DAMPAL, C, RCADD.

Ang BIDA program usa ka National anti-illegal drugs advocacy program initiated by the DILG on October 2022 ang maong programa naglakip sa mga local government units, national government agencies, ug uban pang importanteng sektor sa katilingban ug naglangkob sa law enforcement agencies lakip na ang Philippine National Police (PNP), Philippine Drug Enforcement Agency (PDEA), National Bureau of Investigation (NBI) ug uban pa. 

Ang maong programa nagtumbok ug  nagtinguha sa pagkunhod sa droga sa probinsya ug rehabilitasyon sa mga PWUDS (Person's Who Used Drugs) nga anaa sa tagsa tagsa ka komunidad.

#BIDAProgram

#ASENSOMisamisOccidental

#AsensoSegundoDistrito

#PadayonAsensoOzamiz

20K CASH BUNOS SA MGA BARANGAY NGA NAKAKUHA SA 80% COVID-19 VACCINATION (BOOSTER) RATE; NADAWAT NA.

Ozamiz City | February 2, 2023 sa gipahigayon nga Liga ng mga Barangay session didto sa may New Asenso Ozamiz Session Hall nga gipangunahan ni Ozamiz City Mayor Atty Indy Oaminal hingpit na nga nadawat ang 20K nga CASH INCENTIVES para sa mga Barangay.

Hisayran nga nag gahin ug pundo para sa cash incentives si Working Governor Atty. Henry Oaminal ug Ozamiz City Mayor Atty Indy Oaminal para sa mga ka barangayan nga mas mulihok ang mga Barangay service providers ug mahagit, madasig ang hingtungdan nga mga barangay opisyales sa pagpa-booster sa ilang kinatibuk an nga mga ginsakupan aron dili ma taptan ug cgurado nga maprotektahan gikan sa Covid-19 virus. Dugang niini ang Padayon Asenso Ozamiz Administration sa pagpanguna ni Mayor Indy Oaminal aduna usab silay mga incentives nga gihatag sa mga Ozamiznon sa mga individual nga mupa ilalom sa booster dose ug adunay madawat nga bugas ug canned goods.

Ang 27 ka mga barangay sa dakbayan nga nakakuha sa 80% coverage sa Covid-19 booster mao ang Carangan, Manaka, 50th District, Lam-an, Cogon, Kinuman Norte, Dalapang, Pantaon, Litapan, Gala, Guingona, San Roque, Mentering, Carmen Annex, Capucao C, Sangay Daku, Bacolod, Cavinte, Tinago, Catadman-Manabay, Tabid, Balintawak, Aguada, Gotocan Daku, Sta. Cruz, Stimson Abordo ug Dimaluna.  

Sa maong kalihukan gipaabot sa mga Punong Barangay ang ilang tim-os ug dakong pagpasalamat sa Asenso Misamis Occidental ug Padayon Asenso Ozamiz Administration pinaagi sa pagpanguna ni Mayor Atty Indy Oaminal sa mga incentives nga ilang gihatag ug gipundohan tukbang sa ilang pagpaningkamot nga makab-ot ug matubag ang panawagan sa mga lideres nga makab-ot ang taas nga covid-19 vaccination (booster) rate sa dakbayan ug kinatibuk an probinsya.

via Bhal Cabrera 

BAG-ONG INCENTIVE SYSTEM PARA SA 51 KA BARANGAY SA DAKBAYAN HUGTANONG IPATUMAN SA LGU OZAMIZ

Ozamiz City | Si Ozamiz City Mayor Atty. Indy Oaminal nakigtagbo sa 51 Brgy. Kapitan sa Dakbayan February 2, 2023 pinaagi sa usa ka special session sa mga Liga ng mga Barangay.

Mga nanagunang hilisgutanan ug mga issues and concerns sa matag barangay lakip na ang dugang nga mga paga himoong mga lakang  para padayong mabati, masinati ug matagamtam sa mga katawhang Ozamiznon ang padayong pag Asenso sa Dakbayan.

Pagatutukan sa administration ni Mayor Atty Indy Oaminal ang Bag-o nga Barangay Incentive System - Ang Barangay Cleanliness and Orderliness diin gipasabot sa local chief executive ngadto sa mga 51 ka Punong Barangay sa Dakbayan. 

Nga pinaagi sa Bag-o nga Barangay Incentive System mas makab-ot ang mga tumong ug tinguha sa Padayon Asenso Ozamiz Administration nga mamahimong hapsay ug malinawon nga communidad.

Hisayran nga adunay criteria nga pagasundon aron makab ot ang incentives o makuha sa usa ka barangay, ang programa naka sentro sa Cleanliness sama nalang sa proper segregation / saktong pagpatuman sa solid waste management ug Orderliness sa Barangay - nga naga sunod sa mga balaod sa nasud ug naga tuman sa mga local nga ORDINANSA sa syudad, naka alayon sa mga usab sa mga programa ug polisiya sa Padayon Asenso Ozamiz Administration.

Pipila lang kini sa mga criteria nga gi andam sa LGU-Ozamiz particular ang working committee niini nga naglangkob sa SWEMO, City Engineers Office, City Planning and Development Office, CDRRMO ug Ozamiz City Police Station.

Pinaagi sa barangay incentive system makadawat kini ug ganti nga madugang sa ilang pundo sa barangay - 1st Price 1 Million Pesos, 

2nd Price 300k ug 3rd Price 200k, pinaagi niini nga mga incentives gidahuman nga mas maningkamot ang mga barangay service providers nga makab-ot ang gitinguha sa kasamtangan nga administration nga naka layon sa gitinguha sa Team Asenso Misamis Occidental nga ang matag Misamisnon magpuyong Malinawon, Malamboon ug Malipayon.

#MisamisOccidentalNewsBureau

#RadyoAsenso106.7NewsFM

#TriMediaDigital

Your Online & Community Radio News Authority

JOINT DRUG BUY BUST OPERATION GIPAHIGAYON; KANHI SAKOP SA PHILIPPINE ARMY SIKOP

CLARIN, MISAMIS OCCIDENTAL | Ang hiniusang PNP personnel sa Clarin Municipal Police Station (lead unit) pinangulohan ni PMAJ JOEL MUTIA ESIC OIC – Clarin MPS, PLT JUNRIE A CABASAN, OIC – Provincial Drug Enforcement Unit - PDEU MOCPPO, PIU, MOCPPO ug Ozamiz CPS nagpahigayon og Buy bust operation gamit ang Pre-Ops No.30002-012023 -0527, diin natigayon sa may Purok 3, Brgy. POBLACION 4, Clarin, Misamis Occidental Pebrero 1, 2023 sa mga 9:55 [AM] sa kabuntagon. 

Sikop ang usa ka DENNIS DALAMA LIGUAN, 34 anyos ang panuigon, lalaki, ulitawo ug kasamtangan walay trabaho ug residente sa Purok 4 Barangay Dela Paz, Clarin, Misamis Occidental, hisayran ang kini kanhi aktibo sa serbisyo ug kanhi sakop sa Armed Forces of the Philippines (AFP) Philippine Army – Scout Ranger Regiment ug na discharge kini sa serbisyo tungod kay nag AWOL kini pipila na ka mga katuigan ang milabay.

Nasakmit atol sa buy bust operation ang usa (1) ka pc. gagmay nga rectangular shaped, heat-sealed transparent plastic sachets nga adunay sulod nga white crystalline substances nga gituohang shabu; Samtang nakumpiska atol sa buy bust operation ang: lima (5) ka pcs. Gamay nga rectangular shape heat-sealed transparent plastic sachet nga adunay sulod nga puti nga crystalline substance nga gituohang SHABU; usa (1) ka libo ka peso bill; duha (2) ka pcs sa usa ka gatos ka peso bill; usa (1) ka pc sa singkwenta peso bill; usa (1) ka pc sa baynte peso bill; ug lima (5) ka pcs lima ka pesos nga sensilyo. 

Ang suspek gipahibalo sa iyang katungod o constitutional rights sa presensya sa Brgy Kapitan ug mga Barangay Kagawad, DOJ representative ug Media ug gidala ang suspetsado sa Clarin MPS para sa tukma nga disposisyon niini.